ВИДЕО: Халанд има четири фаворити за светската титула во Катар
Голем број на фудбалски ѕвезди нема да бидат дел годинава на Светското првенство кое ќе се одржува во Катар од 20 ноември до 18 декември.
Меѓу нив на Мундијалот нема да игра и моментно еден од најдобрите напаѓачи во светот, Ерлинг Халанд.
Норвешката репрезентација не успеа преку квалификациите да обезбеди место, па така, и членот на Манчестер сити ќе го гледа СП 2022 преку ТВ екраните.
Халанд (22) за „Скај Спортс Њуз“ ги издвои репрезентациите кои би можеле според него да се борат за светската титула.
– Мислам дека фаворити би требало да бидат Бразил, Аргентина, Франција и можеби Англија. Не можам да кажам само една, бидејќи има многу добри репрезентации. Секако, се надевам дека ќе играм за Норвешка, и нашиот сон и реалност, најголемото нешто што можеме да направиме е да се пласираме на Европско или Светско првенство. Тоа е мојата цел со националниот тим. Знаеме дека е тешко, но се надевам дека во иднина ќе играм на тие големи натпреварувања – вели Халанд.