ВИДЕО: Грузиската полиција насилно го уапси лидерот на опозицијата, приведени се уште десетици приврзаници

Грузиската полиција со насилен упад во седиштето на главната опозициска партија „Обединето национално движење” го уапси лидерот на партијата Ника Мелија, во живо пренесуваше телевизијата „Мтавари”.

Грузија се наоѓа во сериозна политичка криза од завршувањето на парламентарните избори минатата година.

Опозицискиот лидер беше изнесен од партиските простории и приведен.

Стотици полицајци во опрема за сузбивање немири употребија солзавец против неговите приврзаници и лидерите на сите опозициски партии, кои од минатата среда се собрани пред зградата, а притоа приведоа уште десетици други приврзаници на опозицијата.

Полициската акција следеше по минатонеделната оставка на премиерот Гиорги Гакарија. Како причина за неговата оставка тој ги наведе несогласувањата во владеачката партија околу примената на судската наредба за апсење на опозицискиот лидер Мелија.

Прочитајте и...  Серија политички критики за скандалозниот план на Љубчо Георгиевски

Опозиционерот Мелија беше обвинет за поттикнување насилство на уличните протести во јуни 2019 година, а тој го отфрли обвинението како политички мотивирано.

Судот во Тбилиси минатата недела нареди негово апсење, бидејќи тој, наводно, не платил кауција.

Министерството за внатрешни работи тогаш соопшти дека го одложува извршувањето на наредбата за апсење на Мелија по оставката на премиерот Гиорги Гакарија.

Денешниот упад предизвика гнев во здружената опозиција и предупредувања од грузиските западни советници.

Поврзани вести

На скопскиот аеродром, 12 обвинети за употреба на фалсификувани потврди за ПЦР тестови

Слободен печат

Курц со критики за ЕМА: Побрзо одобрувајте ги вакцините

Слободен печат

„El Diablо“ ги запали страстите на Кипар: Упад и закани во државната телевизија по избор на „сатанистичка песна” за Евросонг

Слободен печат

Австриски експерт предупредува: Банди од Балканот се подготвуваат за отворање на границите

Слободен печат

ВИДЕО | Андоновиќ: Наместо ветената дипломатија Бајден започна да бомбардира

Слободен печат

426 санкции за неносење маска

Слободен печат

Остави Коментар