ВИДЕО: „Граѓаните“ се главни во Манчестер, нов хет-трик на Халанд

Ерлинг Халанд повторно е херој на „граѓаните“/фото: EPA-EFE/PETER POWELL

Фудбалерите на Манчестер сити денеска убедливо пред своите навивачи го совлада Манчестер јунајтед во големото дерби на Премиер лигата со резултат 6:3.

Головите на „граѓаните“ ги постигнаа Халанд и Фоден, двајцата на стадионот „Етихад“ запишаа по еден хет-трик, а Норвежанецот придонесе и со две асистенции. Фоден го постигна водечкиот гол во осмата минута, а потоа на сцена стапи Халанд со два погодоци во 34 и 37 минута.

Фоден го постигна четвртиот гол во 44 минута, потоа Јунајтед намали преку Ентони (56`). Халанд уште еднаш покажа во 67 минута се наоѓа во одлична гол серија, а во 74 минута и Фоден докажа уште еднаш дека е во врвна форма. За Халанд ова беше негов трет хет-трик од доаѓањето во Премиер лигата и 14 голови за Манчестер сити на осум мечеви.

Поразот на „црвените ѓаволи“ го ублажи Марсијал кој во финишот на натпреварот двапати се запиша во листата на стрелците во 84 минута и во 90 од пенал.

На табелата води Сити е второпласиран со 20 бодови, еден помалку од водечкиот Арсенал кој во саботата беше подобар од Тотенхем (3:1). Јунајтед кој пред овој меч имаше одлична серија од четири победи во низа, после третиот пораз сезонава е на шестото место со 12 бодови.

Видео на денот