ВИДЕО: „Граѓаните“ шампионски, Манчестер сити „гази“ во Премиер лигата!
Денеска се одиграа два натпревари од 16 коло во најсилното англиско првенство, Манчестер сити со 1:3 беше подобар од Евертон, а ремизираа Барнли и Фулам (1:1).
Манчестер јунајтед на последните пет натпревари забележа еден пораз, една победа и трипати ремизираше, и сите тие киксеви максимално ги искористува градскиот ривал Манчестер сити во шампионската трка.
Со вечерашниот триумф „граѓаните“ предводени од менаџерот Пеп Гвардиола сега имаат дури 10 бода предност во однос на „црвените ѓаволи“ кои се на втората позиција во генералниот пласман.
Сити кој дојде и до 17 победа по ред (во сите натпреварувања), нема пораз во Премиер лигата од 21 ноември 2020 година кога загуби кај Тотенхем со 2:0.
На вечерашниот дуел на „Гудисон парк“ за домаќините стрелаше Ришарлисон (37`), а за гостите Фоден (32`), Марез (63`) и Силва (77`).