ВИДЕО: „Граѓаните“ го освоија Париз, дали ќе гледаме англиско финале во Истанбул!?
Вечерва во Париз се одигра и првиот натпревар од второто полуфинале во Лигата на шампионите, Манчестер сити славеше на „Паркот на принцовите“ против ПСЖ со резултат 1:2 (1:0).
После првото полувреме водеше францускиот претставник со погодокот на Маркињос после асистенцијата на Ди Марија во 15 минута од средбата.
Израмнувањето се случи во 64 минута преку Де Брујн чија намера сигурно беше само да упати центаршут во казнетиот простор, топката заврши во мрежата, а голема „заслуга“ имаше и голманот Навас кој не реагираше најдобро во оваа ситуација.
Конечниот епилог беше поставен во 71 минута кога од слободен удар стрелаше Марез за голема радост на „граѓаните“, иако можеби за момент погледите беа свртени кон Де Брујн, но Алжирецот беше тој се запиша во листата на стрелците. Од 77 минута се зголемија проблемите на домаќините откако останаа без еден играч на теренот. Поради груб прекршок, црвен картон доби Геје кој предвреме го напушти теренот. Реванш мечот ќе се игра на „Етихад“ стадионот на 4 мај.
Потсетување дека во првите 90 минути во Мадрид ремизираа Реал и Челси (1:1), возвратната пресметка на „Стемфорд Бриџ“ е на 5 мај. Големото финале за трофејот во ЛШ сезонава ќе се игра во Истанбул (Турција) на 29 мај.