Лесни триаголници

– 100 г фета сирење
– 100 г чедар сирење
– 100 г свинска шунка
– 1 јајце
– 100 мл млеко
– 10 грама Долчела прашок за пециво
– 300 грама пченично брашно
– 1 лажица сол
– 1/2 китка магдонос
– 1 лажичка мелен лук
– Сончогледово масло

1. Во сад со маталка изматете го млекото и јајцето и додадете сушен лук, сол, фета сирење и убаво спојте ги состојките
2. Додадете пециво, ситно сецкан магдонос, шунка исечкана на ситни коцки
3. Потоа постепено додавајте од брашното и соединете го со мокрите состојки. Додавајте брашно по потреба
4. Префрлете го на набрашнета површина и продолжете со месење додека не добиете меко тесто.
5. Со сукало развлечете тесто со дебелина од половина милиметар и исечете го на ленти а потоа и на коцки
6. Во секоја коцка (квадрат) ставете кашкавал и преклопете на триаголник. Краевите стиснете ги со прсти за да се затвори
7. Се ставаат во длабоко и многу загреано масло и пржете додека не заруменат од двете страни.

Полнети американски палачинки

– 2 јајца
– 40 г шеќер
– 1 лажица масло
– 20 грама мед
– 10 мл вода
– 100 г брашно
– 1 прашок за пециво
– 1 ванила шеќер
– Лино крем
– Подравка џем

1. Јајцата (на собна температура) ставете ги во сад, ставете точно 10 мл вода и помешајте
2. Додадете мед, шеќер, ванилин шеќер, пециво, и малку сол и измешајте
3. Потоа додадете брашно и убаво соединете (треба да добиете смеса со густина како јогурт)
4. Во тава каде што ќе ги пржите ставете малку путер колку да ја намастите тавата и со помош на длабока лажица ставете на средината од смесата
5. Пржете ги како класични американски палачинки
6. Кога ќе бидат готови, со помош на тенок шприц наполнете ги со крем