Лазања со тиква и печурки

– Кори за лазања
– 300 г печурки
– 80 г сушен вргањ
– 400 г кашкавал
– 1 лажица путер
– Сол и бибер
– 1/2 лажичка Вегета Маестро лук
– 1 лажичка Вегета Натур

Фил од тиква
– 500 г пире од тиква
– 2 лажици путер
– 50 мл павлака за готвење
– 1 лажичка жалфија
– Сол и бибер
– 1/2 лажичка Вегета Маестро лук

Бешамел сос
– 3 лажици путер
– 500 мл млеко
– 2 лажици брашно
– 200 г урда
– 100 г крем сирење
– 100 г пармезан
– Сол и бибер

1. Вргањот покиснете го во вода и оставете го да отстои (не ја фрлајте водата)
2. Печурките пржете ги на загреан путер и зачините
3. Додадете го вргањот
4. Пржете уште десетина минути и префрлете го во чинија
5. Во истата тава ставете путер и неколку листови свежа жалфија
6. Додадете ја тиквата
7. Потоа ставете од водата каде се киснеше вргањот и посолете
8. Додадете павлака за готвење, бибер у сув лук
9. Промешајте уште неколку минути и тргнете го од оган.

1. Во тава загрејте масло и путер
2. Ставете брашно и пржете го си постојано мешање
3. Почнете да додавате топло млеко, малку по малку со постојано мешање. Внимавајте да не загори и да не се направат грутки
4. Ставајте млеко додека не ја добиете посакуваната густина на бешамел сос
5. Кога ќе добиете погуст сос ставете урда, крем сирење, пармезан и зачинете
6. Во намастена тава почнувате да редите прво еден ред од корите за лазањи (обарете ги претходно ако сакате), потоа слој од сосот од тиква, па пржените печурки, потоа бешамел сосот и кашкава одозгора
7. Повторете ја постапката онолку пати колку што имате кори
8. Последниот слој завршете го со бешамел сос директно врз корите и посипете со кашкавал на крај и сол и бибер
9. Лазањите покријте ги со фолија и ставете ги во загреана рерна на 200 степени и печете околу 40 минути