ВИДЕО | Ѓорчев: Бугарија има проблем со реалноста за постоењето на македонската нација и македонскиот јазик
Бугарија има проблем со реалноста за постоењето на македонската нација и македонскиот јазик, изјави последниот македонски амбасадор во Софија, Марјан Ѓорчев во емисијата „Трилинг“ на телевизија 24.
– Ако Бугарија се согласи дека нашата историографија, нашите историски документи, нашите напишани томови книги за македонската историја се легитимни и дека ние сме единствената држава којашто го носи името Македонија, односно името Северна Македонија по Договорот од Преспа, и да се согласи дека државата содржи Македонија во своето име, а тоа претставува 100 отсто од државната територија, ние имаме потполно право поимите Македонија и Македонец да ги употребуваме како наша јазична, државотворна и национална димензија. Тогаш може да се претпостави дека тие го надминале проблемот со постоењето на македонската нација и јазик и тогаш може да се бара решение на политичко ниво, вели Ѓорчев.