ВИДЕО: Големо изненадување за Ѓоковиќ пред „Австралија Опен“!

Фото: EPA-EFE/FRANCIS MALASIG

Иако од претходно имаше најави дека швајцарскиот тениски великан нема да биде дел од првиот грен слем турнир, најновите информации велат дека ќе настапи на стартот од наредната сезона.

Претходно се опоравуваше од повредата и започна да тренира овој период, директорот на „Австралија Опен“, Крег Тили откри дека Рожер Федерер ќе биде во жрепката.

– Постојат толку многу одлични приказни за АО 2021. Серена Вилијамс се бори за својата осма титула, додека Новак Ѓоковиќ, кој честопати изгледа непобедлив во „Мелбурн паркот“, оди на рекордна деветта титула. Нашиот најдобар играч Ешли Барти се враќа на грен слемот, како и Рожер Федерер, кој се враќа од повредата. Многу суперѕвезди, турнирот ќе биде голем предизвик за секого. Очекуваме одлични неколку недели тенис во Мелбурн – рече Тили.

Воедно директорот го потенцира задоволството што публиката ќе се врати на трибините во Мелбурн:

– Со нетрпение очекувам да ги пречекам најдобрите играчи на светот во Мелбурн и тоа ветува дека ќе биде спектакуларен „Австралија опен“, по една година пауза на ниво што никој од нас не го доживеал досега. Иако АО ќе изгледа малку поразлично од претходните години, безбедноста на сите нас е врвен приоритет. Имаме можност да изведеме многу безбеден и среќен грен слем и да им дадеме на играчите искуство за натпреварување пред публика, што го пропуштивме во поголемиот дел од оваа година – додаде Тили.

Федерер ќе биде 5-ти носител на турнирот во Австралија и можно е да се сретне со првиот светски рекет во четвртфиналето, што беше редок случај во последната деценија, бидејќи нивните дуели најмногу се гледаа во полуфиналето и финалето.

Новак е прв носител, втор е Рафаел Надал, трет Доминик Тим, а четврти е Данил Медведев. Во топ 10 се и Стефанос Циципас, Александар Зверев, Андреј Рубљов, Диего Шварцман и Матео Беретини.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот