ВИДЕО: Голем пожар во ридската населба Колтук во Тетово, изгореа две куќи
Пожар изби во куќа во населбата Колтук во Тетово, нешто по 19 часот вечерва, а потоа се прошири кон соседната куќа, објави порталот Тетово инфо.
Со оглед на тоа дека населбата е на почетокот на ридот Балтепе, од целиот град можеше да се забележи големата огнена стихија.
Од тетовската територијална противпожарна единица информираа биле испратени четири возила кои го гаснеле пожарот.
Поголем дел од стариот дел на градот неколку часа беше без електрична енергија.
„Пожарникарите дојдоа на време. Немаше никој од сопствениците на куќите кои изгореа. Малку да задоцнеа пожарникарите, ќе беше голема катастрофа“, вели за ТВ21 еден од очевидците на пожарот.
МВР вечерва соопшти дека еден од сопствениците на куќите кои изгореле е повреден во пожарот, кој зафатил две куќи.
„Во СВР Тетово во 19.20 часот е пријавен пожарот во куќа сопственост на И.С (50). Огнот се проширил и на соседната куќа во која никој не живеел. Сопственикот И.С добил изгореници по што е пренесе во Клиничка болница Тетово за укажување на лекарска помош“, информираат од тетовската полиција.