ВИДЕО: Голем пожар во Канада, луѓе се евакуираат, во Халифакс вонредна состојба
Властите во канадскиот град Халифакс, во провинцијата Нова Шкотска, прогласија вонредна состојба откако голем шумски пожар предизвика прекин во снабдувањето со струја, затворени се неколку училишта, а наредена е и евакуација на жителите.
Гаснењето на шумскиот пожар и работата на спасувачките служби се отежнати поради силните ветрови и сувите дрвја. Десетици куќи се оштетени.
Residents of the Canadian province of Nova Scotia are being evacuated due to forest fires, which rescuers cannot cope with even with the involvement of aviation.
The city of Halifax was covered in smoke, the authorities declared a state of emergency. pic.twitter.com/h4JZGOD3NZ— Riri (@Ukarmyy) May 29, 2023
Западните канадски провинции Алберта и Британска Колумбија се соочуваат со невообичаено топла пролет оваа година. Досега и во двете провинции избувнаа неколку шумски пожари, поради што привремено беше прекинато производството на нафта и гас.
Овој месец, властите во Алберта прогласија вонредна состојба во целата провинција, поради големиот пожар кој избувна таму. Десетици илјади луѓе беа принудени да ги напуштат своите домови.