Фудбалерите на Евертон обезбедија пласман во четвртфиналето на ФА Купот откако по 120 минути игра и девет гола го совладаа Тотенхем со 5:4.
Тотенхем прв го отвори резултатот, но Евертон возврати со три гола по што „петлите“ успеаја да дојдат до израмнување. Евертон повторно поведе со 4:3 но во финишот Хари Кејн го однесе Тотенхем во продолженијата. Човек на одлука беше Бернар кој во 97. минута го постигна победничкиот гол.

Во листата на стрелци се запишаа и Калверт-Луин, Сигурдсон и Ришарлисон два пати, додека за Тотенхем два гола даде Санчез, а по еден Ламела и Кејн.
Сепак, натпреварите во ФА купот ги одбележа менаџерот на Манчестер сити, Пеп Гвардиола. Имено, „граѓаните“ со победата од 1:3 над Свонси дојдоа до 22 победа по ред што претставѕва апсолутен рекорд во англискиот фудбал.

Резултати:
Свонси – Манчестер сити 1:3
Лестер – Брајтон 1:0
Шефилд јунајтед – Бристол 1:0
Евертон – Тотенхем 5:4