Кошаркарите на Голден стејт го совладаа на домашен терен Далас со резултат 126:117 и поведоа со 2:0 во победи во финалето на Западната конференција во НБА лигата.

Домаќините до триумфот дојдоа после пресврт, на полувремето беа во „минус 14“, а во еден момент и на „минус 19“ негатива во втората четвртина.

Најефикасен во редовите на Вориорси беше Стеф Кари со 32 поени, од кои шест тројки, запиша и осум скока.

Во редовите на Маверикси не помогна новата фантастична партија на Лука Дончиќ кој за 38 минути на паркетот забележа 42 поени, од кои 18 во првата четвртина.

Серијата се сели во Далас, третиот натпревар од западното финале е на програмата в недела.