Играчите на Голден стејт убедливо ја совладаа екипата на Далас со резултат 147:116 во дуел на два тима од Западната конференција во НБА лигата.

Голема борба и неизвесна партија се гледаше во првите и во средината на третата четвртина, а во финишот на третата и низ целата последна, „воините“ го засилија темпото и со шутот за три поени го прегазија противникот.

Прв стрелец во триумфот на Вориорси беше Кели Убре кој реализираше седум тројки и 40 поени, а поранешниот МВП Стеф Кари имаше учинок од 28 поени.

За Маверикси и овојпат доминираше Лука Дончиќ со 27 поени, два помалку забележа Кристапс Порзингис.

НБА, резултати –

Атланта Хокс-Јута Џез 91:112
Далас Маверикс-Голден Стејт Вориорс 116:147
Филаделфија Сиксерс-Портланд Трејл Блејзерс 105:121
Мемфис Гризлис-Хјустон Рокетс 103:115
Лос Анџелес Лејкерс-Денвер Нагетс 114:93