ВИДЕО: Гол на Стојановски, Горица четвртфиналист во Купот на Хрватска

Влатко Стојановски го постигна првиот гол во куп победата на Горица против Младост Ждралови/Загреб, Хрватска/27 октомври 2021/Фото: hnk-gorica.hr

Денеска се играат натпреварите од осминафиналето во Купот на Хрватска, а денеска својот настап го имаше Горица во чии редови беше и Влатко Стојановски.

Македонскиот напаѓач придонесе во триумфот од 2:0 на домашен терен против составот на Младост Ждралови.

Стојановски го реализираше првиот гол на Горица во 49 минута, после прекршокот во казнетиот простор на Здралови, беше прецизен од пенал. Конечниот епилог го постави Сролер во 60 минута.

Пласман во следната четвртфинална фаза обезбеди и Динамо Загреб кој со 2:3 го елиминираше Бијело Брдо.

За „модрите“ до 75 минута настапи Стефан Ристовски, а како што е познато Аријан Адеми не е во тимот поради повреда.

Видео на денот