ВИДЕО: Ѓоковиќ после дождот брзо до третото коло во Рим!
Најдобриот светски тенисер се пласираше во третото коло на Мастерс турнирот во Рим (Италија) откако во два сета со 6:3 и 7:6 (5) беше подобар од Американецот Тејлор Фриц.
Претходно мечот поради дожд беше прекинат при резултат 6:3 и 5:5, а непосредно пред прекинот Новак Ѓоковиќ беше во конфликт со главниот судија токму поради лошите временски услови.
За пласман во осминафиналето Ноле ќе ги одмери силите со победникот од дуелот Нори-Давидович Фокина.
Во другите денешни мечеви Нишикори без борба го елиминираше Карењо-Буста, потоа Шварцман доживеа пораз од Ожер-Алијасим со 1:6 и 3:6. Опелка двапати со 6:4 го совлада Мусети, а Беретини мораше со пресврт да дојде до триумфот над Басилашвили (4:6, 6:2, 6:4).
Шаповалов немаше проблеми со Мајшак (6:1, 6:3), а успешни беа уште Нори, Милман, Давидович Фокина и Баутиста-Агут.
The defending champion is up and running in Rome! 🇮🇹
World No.1 @DjokerNole defeats Fritz 6-3 7-6(5) to move into R3.#IBI21 pic.twitter.com/klKHFXtoRS
— Tennis TV (@TennisTV) May 11, 2021