ВИДЕО: Ѓоковиќ „гази“ и во двојки, крај за првите носители на турнирот во Мајорка!
Првиот светски рекет Новак Ѓоковиќ и Шпанецот Карлос Гомез Ерера се пласираа денеска во полуфиналето на АТП турнирот во Мајорка.
Ѓоковиќ и Гомез беа подобри од шпанско-аргентинскиот пар Марсело Гранољерс и Орасио Себаљос после три сета, 4:6, 7:6 и 10:8.
Првите носители на турнирот Гранољерс и Себаљос беа елиминирани после еден час и 39 минути игра.
Тие направија „брејк“ во првиот сет, предноста ја задржаа до крајот и поведоа во мечот. Во вториот сет немаше „брејк“ и беше одигран „тај-брејк“ во кој Ѓоковиќ и Ерера славеа со 7:3.
Во третиот решавачки сет се случи пресвртот, српско-шпанската двојка беше подобра со 10:8 за пласман во полуфиналето каде што ќе се соочат против третите носители, Оливер Марах (Австрија) и Ајсам Ул Хак Куреши (Пакистан).
Ѓоковиќ се подготвува за настапот на грен слем турнирот „Вимблдон“ кој ќе се одржи од 28 јуни до 11 јули.
ATP Mallorca: Novak Djokovic, Carlos Gomez-Herrera beat No. 1 seeds for semis https://t.co/6hItlQTDKB pic.twitter.com/lzbj3sXLms
— Tennis World USA (@TennisWorlden) June 23, 2021
Најдобрите македонски тенисери стартуваа со две победи во Дејвис купот