Сања Гогова Кочишки е стратегиски аналитичар за корпоративната поврзаност која пред една година презентираше стартап со меѓународни сликовници за деца, а во денешното гостување во Утрински брифинг зборуваше за своите искуства стекнати со работа во странство кои ги имплементира во Македонија.

-Почнав да размислувам дали со моето интернационално искуство и моето унапредување постои можност за моите знаења и искуства да ги пренесам дома. Целиот план, визија, важно е секоја компанија да ја има, каде се гледаат во иднината и кои се чекорите да стигнат таму. Процесот на дигитализација и сите алатки ги искористив овде во Македонија, бидејќи ги имаме капацитетите во нашите компании дома, алатки кои кога ќе се имплементираат на вистински начи со тим од професионалци е добитната комбинација, вели Сања Гогова Кочишки.

Таа додава дека на македонските компании што имаат меѓународни инвестиции им е наложено да ги користат овие алатки.

-Гледајќи напоредно на тоа македонските компании со домашен капитал ги препознаваат потребите и сега бараат искуство од професионалци и сакаат и тие да се дигитализираат. Некогаш потешко ги прифаќаме овие промени но со дигитализацијата многу брзо се гледаат успесите, а кога ќе излезат на европскиот и светскиот пазар таму каде што ќе сакаат да го продадат својот производ ќе бидат препознаени, вели вели Сања Гогова Кочишки.

Таа додава дека последниве десетина години самиот менаџер не е во улога на шеф туку во улога на лидер, особина што се гради и надоградува и применува.

-Веќе разбира што значи како лидер да ги мотивираш колегите да работат, а да се избегне систематизацијата на кадри која што ја имавме претходно. Тогаш како ќе ти кажеа така требаше да работиш, а сега е важно и мислењето на вработените и сите компетентни кадри да кажат што мислат како е најдобро да се изврши одредена работа, вели за Утрински брифинг стратешкиот аналитичар за корпоративна поврзаност Сања Гогова Кочишки.

Целиот разговор погледнете го во видеото: