ВИДЕО: Го спаси Челси, но тој воедно е најголемиот „малер“ во Премиер лигата
Во седмото коло од Премиер лигата составот на Челси на својот „Стемфорд Бриџ“ со резултат 3:1 славеше над Саутемптон.
Во првото полувреме водеа лондонските „сини“ со погодокот во деветтата минута кој го реализираше Чалобах.
Германскиот репрезентативец Вернер во 41 минута постигна гол, но после ВАР снимката главниот судија истиот го поништи поради направен фаул.
Вернер кој добро го познава и македонската спортска јавност од квалификациите за СП, минатото лето од Лајпциг се пресели во Лондон со кој лани стана европски шампиони, но и натаму го привлекува вниманието кога се во прашање поништените голови. Денеска тоа му се случи дури по 16 пат откако е член на Челси.
According to Chelsea commentary, that is the 16th time Timo Werner has had a goal disallowed 🤯. pic.twitter.com/YxABtlimnX
— CBS Sports Golazo ⚽️ (@CBSSportsGolazo) October 2, 2021
Во вториот дел израмнија гостите од белата точка во 61 минута, прецизен беше Ворд-Проус, а истиот играч поради груб прекршок доби директен црвен картон во 77 минута.
Овој момент со еден играч повеќе на теренот го искористија фудбалерите на Тухел, најпрвин во 84 минута предноста за домашната екипа ја врати Вернер после асистенцијата на Азпиликуета, а трите бода ги потврди Чилвел (89`).
Во другите мечеви од денешната рунда во Премиер лигата: Барнли – Норич 0:0, Лидс – Ватфорд 1:0 и Вулверхемптон – Њукасл 2:1.