Новак Ѓоковиќ ја освои титулата на АТП турнирот во Астана (Казахстан) откако денеска во финалето го совлада Стефанос Циципас од Грција со 6:3 и 6:4.

Најдобриот српски тенисер стигна до јубилејната 90 титула во кариерата и на тој начин се доближи до Рафаел Надал кој има 92, како и до рекордерот Рожер Федерер кој има 103 трофеи.

Ѓоковиќ со триумфот во Астана направи подвиг каков што не беше виден цели 12 години. Србинот стана само вториот тенисер во историјата кој успеал да освои турнири во сите категории во една сезона. Тој триумфираше на Вимблдон, Мастерс серијата 1000 во Рим, АТП 500 во Астана и АТП 250 во Тел Авив.

Досега успеа само Федерер, кој го освои Австралија опен во 2010 година, триумфираше на Мастерсот 1000 во Синсинати, го освои АТП 500 во Базел и АТП 250 во Стокхолм.

Треба да се истакне дека со титулата во Астана, Ноле и математички го обезбеди учеството на завршниот Мастерс во Торино.