ВИДЕО: Германија и Полска во главната фаза на Европското првенство

Полјаците ја запишаа втората победа на Европското ракометно првенство/Братислава, Словачка/16 јануари 2022/Фото: EPA-EFE/Adam Warzawa

После одигрувањето на натпреварите денеска на Европското првенство јасно е дека Германците и Полјаците и официјално се промовираа како учесници во следната фаза, а се очекува да биде неизвесно во последниот меч од групата „Б“ каде што Унгарците ќе мора да одат на триумф против Исланд.

Репрезентациите на Германија и Полска обезбедија пласман во вториот круг на ЕП кое се одржува во Унгарија и Словачка откако славеа и во второто коло во групата „Д“.

Германија ја совлада Австрија (34:29), додека Полјаците предводени од Крајевски со седум голови славеа против Белорусија во чии редови се истакна Ваилупау со пет. После две кола Германија и Полска водат со по четири бодови, а за два дена во меѓусебен дуел ќе решаваат кој ќе биде победник во групата и кој ќе пренесе бодови во вториот круг.

На чекор до пласман во следната фаза е Исланд кој во второто коло од групата „Б“ минимално со 29:28 славеше над Холандија. „Лалињата“ изненадија на стартот со триумфот над Унгарија (31:28), а сега беа блиску до нова сензација. Гудјонсон беше прв стрелец кај Исланѓаните со осум голови, Палмарсон се истакна со шест, а на спротивната страна Смитс запиша 13 голови.

Во вториот меч од оваа група Унгарците во самиот финиш славеа против Португалија (31:30) со голот на Мате. На табелата со четири бода води Исланд, по два имаат Холандија и Унгарија, а Португалците се последни без бодови.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот