ВИДЕО | Ганиу: На чаирчани не им е до славење Нова година, загинаа 16 наши соседи

Висар Ганиу
Висар Ганиу, градоначалник на општина Чаир / Утрински брифинг

Во општината Чаир се чувствува огромна загуба поради тоа што 16 лица загинаа во тешката автобуска несреќа во Бугарија. Советот на општината вчера одлучи да ги пренамени средствата за украсување за Нова година за помош за семејствата на загинатите.

-Одлуката ја донесовме едногласно. Сакавме со тоа колку толку да им помогнеме на семејствата зафатени со таа трагедија. Ги алоциравме средствата наменети за украсување на општината за Нова година. Шеснаесет луѓе од нашата општина загинаа и нема никаква атмосфера да се украсува за Нова година, вели за Утрински брифинг градоначалникот на Чаир Висар Ганиу.

Огромна трагедија во трагедијата е што меѓу загинатите има мнгу деца, повеќето од општината Чаир.

-Вчера во ОУ „Исмаил Ќемали“ организиравме марш и оставање цвеќе за загинатите ученици. Вчера не беше можно да се одвива настава во училиштето и дадовме налог наставата да прекине. Само во едно училиште имаме пет ученици загинати ученици со исто презиме. Со пратеникот Меџити ги посетивме семејствата и семејството Јахиу кои загубија пет деца, вели градоначалникот Ганиу.

Тој додава дека со новиот буџет ќе предвидат поголеми средства за помош за семејствата на загинатите. Централната власт го покрива транспортот, исламската верска заедница ќе ги покрие трошоците околу погребот, а нашиот гест е само барем малку да им помогнеме на семејствата, да бидеме солидарни, иако нема цена што може да се спореди со загуба на човечки живот. Имајќи го предвид социјалниот статус на некои од семејствата, општината и понатаму ќе биде отворена за помош, вели Ганиу за Утрински брифинг.

Проследете го целиот разговор во видеото

 

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот