ВИДЕО | Габер Дамјановска: Оние што ќе поминат низ Академијата за судии, поминале сами и никому ништо не должат

Наташа Габер Дамјановска, директорка на Академија за судии и обвинители / Утрински брифинг
Наташа Габер Дамјановска, директорка на Академија за судии и обвинители / Утрински брифинг

Вчера се одбележаа 15 години од основањето на Академија за судии и јавни обвинители.

-Сите нѐ почестија со своето присуство, секако со почитување на ковид-протоколите. Присуството на амбасадорите го толкувам не само како поддршка за Академијата туку и за државата. Петнаесет години се веќе адолесценција, детските чекори се поминати, а сега постои добра подлога за профилација на нашите кадри. Најголем број наши едукатори се судии и обвинители во најголем дел, вели Наташа Габер Дамјановска, директорка на Академијата за судии и обвинители „Павел Шатев“.

-Проблемите можам да ги идентификувам како потреба за едукација во некои специфични области. Слободата на изразување, на пример, постојано се унапредува. И тоа треба да се следи, вели Габер Дамјановска.

Свеста за важноста на човековите права постои кај обвинителите и судиите, но сѐ зависи и се третира од случај до случај. Пресудите од ЕЧСП од Стразбур се добар патоказ како треба да се движиме. Затоа е интересна судската пракса. Колегите сакаат да дискутираат преку практични примери, вели Габер за Утрински брифинг.

Инсистирањето на ЕУ идните судии и обвинители да поминат школување по две години во академијата значи дека тие само и исклучиво по сопствена заслуга дошле до позицијата до која дошле преку тестирања, ии никому ништо не му должат, вели Габер за тоа дали е сѐ уште исполитизирано нашето правосудство како што беше.

Проследете го целиот разговор во видеото

Видео на денот