Во фудбалот не победува секогаш подобриот, поквалитетниот, а најновиот доказ за тоа е натпреварот од Светското првенство во Катар меѓу репрезентациите на Костарика и Јапонија.

Јапонците добија на самодоверба по сензационалната победа над Германија, а Костарика беше декласирана со 7:0 од Шпанија.

Азискиот претставник денеска многу повеќе ја имаше топката во своите нозе, со поголема иницијатива, и повеќе можности за реализација, а Костарика мирно и трпеливо ја чекаше својата шанса и ја дочека со златен победнички погодок на Фулер од единствениот шут во рамките на противничкиот гол.

Во 81 минута не реагираа најдобро играчите на Јапонија, Техеда му асистираше на Фулер кој со левата нога успеа да го совлада Гонда.

Оваа победа на Костарика е добра вест и за Германија која од 20.00 часот во дербито на денот ќе ги одмери силите против Шпанија.