ВИДЕО | Француските министри под истрага: Јаделе во тајни ресторани?
Во Франција е покрената истрага заради наводите дека министрите и останати функционери јаделе во тајни ресторани, што е во спротивност со рестриктивните мерки воведени заради спречување на коронавирусот.
Рестораните во Франција се затворени од октомври за да се спречи ширењето на коронавирусот, а Канцеларијата на париското Обвинителство соопшти дека во недела е отворена истрага заради можни обвинувања за загрозување на здравјето и работа на црно.
На видео снимката која ја емитуваше француската мрежа М6, непознат маж изјавува дека јадел во два или три тајни ресторани со одреден број на министри на француската влада. Членовите на владата веднаш негирале постоење на такви ресторани, а министерот за внатрешни работи Жерар Дермањин побара од полицијата да ги истражи наводите.
Caviar, champagne, menus de grands chefs et retrait du masque obligatoire…Nos journalistes ont pu pénétrer dans ces fêtes clandestines de haut standing qui se tiennent actuellement à Paris.
?@frvignolle Armelle Mehani et @CyrielleStadler en exclusivité pour le ?#19h45 pic.twitter.com/ClXpIWrVwZ— M6info (@m6info) April 2, 2021
Портпаролот на владата, Габријел Атал изјавил за ЛЦИ телевизија дека властите ги истражуваат извештаите за тајни ресторани веќе со месеци и дека се идентификувани околу 200 лица кои ќе бидат казнети.
-Министрите во владата имаат обврска да бидат беспрекорни и пример за другите, рекол Атал.
Обвинителството денеска соопшти дека истрагата продолжува и покрај фактот дека мажот, кој зборува во видео снимката, ја повлекол својата изјава. Рестораните во Франција се затворени од октомври за да се спречи ширењето на коронавирусот, а во земјата на сила е ново делумно затворање, бидејќи единиците на интензивна нега се преполни со пациенти заболени од ковид-19.
Извор: Блиц.рс