ВИДЕО: Французите немоќни, ракометно шоу на Исланд во Будимпешта
Репрезентацијата на Исланд оствари победа, изненадувачки висока над Франција со 29:21 во натпреварот од главната фаза на Европското првенство.
Убедливо најдобрата игра на првенството досега ја прикажаа Исланѓаните. Доминираа и во нападот и во одбраната, ја казнуваа секоја грешка на фаворитите, со агресивна одбрана целосно ги затворија сите приоди кон својот гол, па повеќе од заслужено стигнаа до триумфот.
После првото полувреме имаа „плус седум“ (17:10), а во вториот дел само ја одржуваа предноста.
Најефикасен во победничките редови беше Магнусон со 10 голови, а кај „триколорите“ по пет имаат Дескат, Мине и Турна.
На табелата во групата „1“ Данска, Франција и Исланд имаат по четири бодови, по два Холандија и Црна Гора, а ниту еден Хрватска.