ВИДЕО: Франција лесно против Црна Гора, Исланд ќе чека „услуга“ од Данска
Денеска заврши и третиот натпревар од денешната програма на Европското првенство, репрезентацијата на Франција со 36:27 ја совлада Црна Гора.
Дика Мем беше најефикасен кај „триколорите“ со седум голови, а истиот учинок го имаше и Милош Вујовиќ кај поразените.
Французите со овие бодови направија значаен чекор во трката за пласман во полуфиналето, моментно во групата „1“ води Данска со осум бодови која веќе е во следната фаза, следуваат Франција со шест и Исланд со четири бодови. Хрватите, Црногорците и Холанѓаните кои имаат по два бодови се веќе елиминирани од трката за полуфиналето.
Во последните мечеви закажани за в среда Франција игра против Данска, а Исланд се соочува со Црна Гора. Доколку Франција победи или ремизира, таа оди во полуфиналето без разлика каков ќе биде резултатот на Исланѓаните.
Доколку Исланд победи, а Франција загуби, тогаш составот на Гудмундсон ќе се најде во борбата за медалите. Доколку загубат и Исланд и Франција, во следната фаза ќе патуваат „триколорите“.