ВИДЕО: Франција и Црна Гора обезбедија пласман во полуфиналето на ЕП 2022
Во вториот денешен натпревар од групата „2“ од главната фаза на Европското првенство репрезентацијата на Франција во СЦ „Борис Трајковски“ – Скопје со 29:21 ја совлада Германија.
На тој начин Французинките им направија „услуга“ на Црногорките и заедно со нив ќе играат во полуфиналните натпревари на континенталниот собир кои ќе се одиграат во Љубљана.
Канор од победничките редови реализираше пет голови, а кај поразените Гријселс седум пати се запиша во листата на стрелците.
Црна Гора претходно оствари важна победа над Романија со 35:34 и после 10 години повторно е меѓу најдобрите четири европски селекции.
На табелата Франција има осум бодови, пред Црна Гора со шест, по три имаат Шпанија и Холандија, а по два Германија и Романија.
В среда (16 ноември) во СЦ „Борис Трајковски“ ќе се играат последните три натпревари на ЕП. Од 15.30 часот Романија против Германија, од 18.00 часот Холандија против Црна Гора и од 20.30 часот Франција се соочува со Шпанија.
🇫🇷@Graace_Z knows how to dance on and off-court 💃😳 #ehfeuro2022 | #playwithheart | @FRAHandball pic.twitter.com/sVaehP6VES
— EHF EURO (@EHFEURO) November 15, 2022
𝙔𝙤𝙪 𝙘𝙖𝙣'𝙩 𝙨𝙩𝙤𝙥 𝙩𝙝𝙚 𝙬𝙖𝙫𝙚 🇫🇷🌊 @FRAHandball | #ehfeuro2022 | #playwithheart pic.twitter.com/1Hod5Xvk4B
— EHF EURO (@EHFEURO) November 15, 2022