ВИДЕО+ФОТО: Жив ланец, вулгарно обраќање кон полицијата во Минск, приведени 313 лица

epa08853069 Belarusian pensioners march followed by policemen during a rally to protest against the government in Minsk, Belarus, 30 November 2020. Protests have been ongoing since the presidential elections on 09 August, calling for the resignation of President Lukashenka and a fresh election to be held. The poster reads: 'Son, don't beat me.' EPA-EFE/STR

Припадниците на белоруската полиција приведоа 313 лица за време на вчерашните протести, информира портпаролот на белоруското Министерство за внатрешни работи, Олга Чемоданова.

– Вкупно, 313 лица се во притвор до крајот на судските рочишта за кршење на законот на вчерашните масовни настани, напиша Чемоданова на социјалната мрежа Телеграм и додаде дека во тек се истраги за давање отпор на полициските службеници и попречување сообраќај.

Белоруските полицајци трчаат пред полициските возила за време на протестот во Минск/ Фото: EPA-EFE/STR

Министерството исто така потврди употреба на специјални средства против демонстрантите.

– Граѓаните продолжија да ги игнорираат легитимните барања на полицијата, тие формираа жив ланец, вулгарно и се обраќаа на полицијата, активно се спротивставуваа на полицијата, врескаа и лелекаа, се вели во соопштението и се додава дека затоа полицијата била принудена да користи специјални средства (неколку истрели од огнено оружје во воздух и солзавец).

Масовните протести во Белорусија траат веќе неколку месеци поради резултатот од претседателските избори одржани на 9 август.

Секоја недела најголемите протести се одржуваат во Минск и во неколку други градови.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот