Синдикатот на полицијата денеска организираше протест за како што велеа оттаму подобрување на професионализмот во полицијата.

Околу стотина полицајци движејќи се на улица „50-та Дивизија“ се упатија на протест кон зградата на Министерството за внатрешни работи, кое е под обезбедување од полициска гарда.

Дел од барањата на Синдикатот се: Тендер за сите видови на униформа во полицијата, стоп за незаконските распоредувања, додаток за борбата против коронавирусот, нов Колективен договор во МВР, професионалци на чело во МВР, стоп за мобингот, пдобри услови и права за подобар живот, владеење на правото во МВР, стоп за пресметка со синдикалните претставници на СПМ, зголемување на платите во полицијата, признавање на СПМ во МВР.

Улиците „50-та Дивизија“ и „Јордан Мијалков“ се блокирани за сообраќај.