ВИДЕО+ФОТО | „Мириса на револуција“: Кулминација на протестите во Полска

epa08786677 Thousands of people gather in the city center as they take part in the 'March on Warsaw' protest against the tightening of the abortion law in Warsaw, Poland, 30 October 2020. Thousands of protesters from all over the country gather in the capital of Poland to take part in a mass protest 'March on Warsaw' to protest against tightening the abortion law. Nationwide protests sparked when Poland's Constitutional Tribunal on 22 October ruled that laws currently permitting abortion due to foetal defects are unconstitutional. Explaining its verdict, the court said that human life was of value in every development phase, and should therefore be protected by law. EPA-EFE/LESZEK SZYMANSKI POLAND OUT

Протестите низ целата Полска кулминираат. Во главниот град, Варшава улиците ги исполнија илјадници демонстранти за да го искажат својот револт против пресудата со која Полска воведе скоро тотална забрана за абортус.

Конзервативните вредности одиграа водечка улога во полскиот јавен живот откако националистичката Партија на законот и правдата (PiS) дојде на власт пред пет години, ветувајќи дека ќе го одбрани она што многумина го сметаат за традиционален, католички карактер на земјата.

Забраната за пристап до абортус е долгорочна амбиција на партијата, но поради негативната реакција на јавноста, не беа преземени законски чекори. Откако минатиот четврток Полскиот Уставен суд пресуди дека абортусот врз основа на фетални дефекти е неуставен и создаде правна основа што се приближува до скоро целосната забрана за абортусот во оваа претежно католичка земја, луѓето излегоа на улица и оттогаш протестираат секој ден. За денеска беше најавен најмасовен протест во Полска досега, а тоа и се случува.

Толпата луѓе, која на снимката од дрон што се шири на социјалните мрежи со неверојатна брзина, изгледа како да е бескрајна светлечка река.

Фото: EPA

Активистите за женски права со црвени факели и силно озвучување пред зградата на полската Влада ја пуштаат музиката на Дарт Вејдер од „Војна на вездите“ и „Земи ме “ ( Тake on me) на норвешкиот синт-поп бенд А-ха.

Фото: EPA

Симболот „Црвената молња“ е веќе неизбежен детал на облеката и шминката на иљадниците жени и мажи.

Корисниците на Твитер коментираат дека стотици илјади луѓе се собираат дури и во мали села кои никогаш не виделе никакви протести и дека „веќе мириса на револуција“.

Активистите отворено ги поддржа и поранешниот Претседател на Европскиот совет Доналд Туск.

„Варшава сега! Полска сè уште не е изгубена“ напиша тој на Твитер.

На твитер се појавија и снимки од лица кои се противат на протестите и ги напаѓаа присутните.

Властите во Варшава велат дека не паметат токлу масовен протест уште од од распадот на комунизмот во 1989 година.

Според податоците на полицијата само во средата 430 000 луѓе присуствувале на повеќе од 400 демонстрации низ целата земја.

Активистите за правата на абортусот тврдат дека пристапот до постапката за абортус во Полска во последниве години бил неодобруван дури и во случаи кога тоа било легално.

Многу лекари во Полска, којашто има најстроги закони за абортус во Европа, веќе го користат своето законско право да одбијат абортус врз основа на религиозни убедувања. Некои велат дека нивните претпоставени ги принудуваат на тоа. Затоа, официјалната бројка дека 1100 легални абортуси се случиле минатата година во Полска не се релевантни, се верува дека многу поолем број жени одат во странство само за да абортираат.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот