Балканската дива Јелена Карлеуша и нејзиниот сопруг, фудбалерот Душко Тошиќ, постојано привлекуваат големо внимание на јавноста. Едноставно се следи секој нивен чекор, а фотографиите што ги објавуваат на социјалните мрежи редовно се анализираат.

Иако во последно време често се шпекулира за нивниот развод, тие сепак уште се заедно. Двајцата ретко зборуваат за својот приватен живот во медиумите. Се венчаа на 28 јуни 2008 година. Венчавката се одржа во градината на хотелот „Prezident“ во Ковилово. Еден од највпечатливите детали на венчавката, покрај невестата, беше и феноменално украсената градина со базен над кој се протегаше писта долга 22 метри.

Карлеуша сменила три венчаници. До олтарот во форма на срце дошла во придружба на нејзиниот татко. Со Душко размениле венчални прстени (вредни 5 илјади евра) и завети.

Целата свадба на Душко и Јелена била гламурозна, а тој гламур според претпоставките чинел помеѓу 80.000 и 100.000 евра. На гостите кои седеа на масите околу базенот им се послужувал кавијар, шампањско, специјалитети од италијанска и азиска кујна.

Меѓу гостите имало многу луѓе од светот на шоу-бизнисот, политичари, креатори, спортисти. Пејачката Мина Костиќ пеела како подарок од гостин на свадбата на Јелена. Покрај неа, на свадбата пееле и „Тропико бенд“, Никола Роквиќ и покојниот Дарко Радовановиќ. Меѓу ВИП гостите биле Драгана Мирковиќ, Индира Радиќ, Ивица Дачиќ, Стоја, Марина Туцаковиќ, Дејан Миличевиќ, Александар Коларов и други. Облечена во екстравагантен фустан изработен од бела свила и циркони, што самата го креирала, Јелена прошетала по пистата на вода долга 22 метри. Мајката на Јелена, Дивна Карлеуша, не можела да ги задржи солзите слушајќи ја нејзината ќерка како го изговара судбоносното „Да“.

На гостите им биле послужени ракови, фламбирани јастози, карпачо, пилешки крилца во сос од теријаки, круши полнети со горгонзола, спанаќ и салата од јагоди, печено јагне, морски плодови, октопод на скара и многу други зачинети деликатеси на меѓународната кујна, шампањско и не помалку ексклузивни бели и црвени вина. Првиот танц на Јелена и Душко бил на баладата на Сергеј Четковиќ „Погледи у тами“.

Но, дефинитивно најголемата еуфорија настанала кога Душко почнал невообичаен вокално-визуелен перформанс со песната на Јелена „Жените сакаат дијаманти“.

„Отсекогаш сонував за убава, романтична венчавка, па се очекуваше дека мојата венчавка ќе биде како од најубавите бајки на Дизни. Ја користам оваа можност да им се заблагодарам на сите што ја направија мојата венчавка уникатна преку најтиражниот магазин за познати личности“, изјави за „Свет“ Карлеуша 36 часа по венчавката.   Јелена и Душко во бракот добија две ќерки Атина и Ника, кои израснаа во вистински убавици.