ВИДЕО+ФОТО I Љубов и „срце на терен“: Еве што рекоа Трамп и Меланија во својот проштален говор
Најконтроверзниот претседател во историјата на САД, Доналд Трамп и неговата сопруга Меланија ја напуштија Белата куќа денес околу 14 часот.
View this post on Instagram
Тие летаа со хеликоптер до базата Ендрјус во Мериленд, каде Трамп го одржа својот проштален говор. По напуштањето на Белата куќа, Доналд и Меланија прелетаа над градот пред да пристигнат во базата. Американските медиуми пренесоа дека вој потег што не е обичај, бидејќи претседателите во заминување го прават тоа само кога новиот претседател ќе даде заклетва.
По слетувањето во базата Трамп, го пречекаа ќерката Иванка и другите блиски членови на семејството. Трамп побара при слетувањето да биде пречекан со музика. И оваа желба му беше исполнета. Тој и Меланија беа пречекани со громогласен аплауз. Трамп им се заблагодари на сите што дојдоа да го испратат и рече дека ги сака.
– Не разбирате колку ова семејство направи за вас. Можеа да живеат многу поинаку, но ти ви се посветија, вам. Постигнавме многу, нашата прва дама беше многу прекрасна, убава и достоинствена и популарна меѓу народот – рече Трамп.
Меланија во своето обраќање на присутните им рече дека за неа е голема чест да биде прва дама на САД.
– Ви благодарам за вашата љубов и поддршка, ќе бидете во моите мисли и молитви. Бог да ве благослови вас, вашите семејства и оваа земја. Ви благодарам – рече Меланија.
За време на својот говор, Трамп рече дека се надева оти новата администрација нема да ги зголеми даноците.
– Но, ако тие го сторат тоа, што да ви кажам. – рече Трамп, нагласувајќи дека е направено многу за државата за време на неговиот мандат. Тој верува дека пандемијата го нарушила за да постигне уште подобри резултати.
Доналд Трамп, за последен пат тој ќе го искористи претседателскиот авион за да замине во реновираната резиденција во Флорида.
Во моментов Бајден се очекува на миса во една католичка црква во Вашингтон. По заклетвата тој ќе го има и своето прво обраќање до нацијата како претседател и како што најавија од неговиот тим за односи со јавноста, тој нема да зборува за Трамп туку за иднината.
