18 C
Скопје

ВИДЕО | Филипче: Вакцината е бесплатна, ќе се вакцинираат сите здравствени работници и следните групи граѓани

Во очекување на вакцините кои македонските власти ги порачаа преку Ковакс системот, како и дози во договор со  двата производители АстраЗенека и Фајзер директно од компаниите, и трета опција е преку земјите од ЕУ, донесена е одлука за приоритени групи кои ќе ги примат првите две дози од вакцината против ковид.

Според министерот за здравство Венко Филипче приоритет ќе имаат сите здравствени работници кои работат во ковид центрите со болни од ковид и со суспектни на вирусот, медицинскиот персонал кој зема брисеви, граѓаните над 65 годишна возраст, хроничните болни од белодробни и кардиоваскуларни болести и вработените во критичната инфраструктура и транспортот.

Децата нема да се вакцинираат, рече и д-р Александра Грозданова, претседателка на Комитетот за имунизација при Министерството за здравство, а според министерот вакцината против ковид не е задожителна за граѓаните

-Нема да се наплаќа, а државата ќе чини по 10 долари од доза, набавна цена според КОВАКС системот, рече Филипче.

Станува збор за 833.000 дози вакцини со кои се ќе се вакцинираат 400.000 граѓани веќе обезбедни преку Ковакс механизмот на СЗО, а дополнителна количина ќе биде набавена од фирмите производители АстраЗенека и Фајзер, како и третата опција е преку механизмот на земјите од ЕУ, од нивните директни билатерални договори со компаниите.

-Договорени се 400 милиони дози за граѓаните од земјите од ЕУ, од кои 100 милиони дози се за земјите кои не се членки на ЕУ, па добивме понуда од Полска, како и од грчкиот премиер Мицотакис кој во директна комуникација со премиерот Заев се заложи дека преку Грција ќе се обезбедат овие вакцини и ќе се дојде до уште 800.000 дополнителни дози од новите ковид вакцини за македонските граѓани, објасни министерот Филипче.

 

Поврзани вести

На инфективните одделенија во земјава се лекуваат 436 пациенти

МИА Агенција

Во ковид центрите во Скопје за 24 часа се хоспитализирани девет пациенти

МИА Агенција

Италијанската крајбрежна стража пресретна четири брода со 500 мигранти

МИА Агенција

Груби: Ние направивме сè, редот е на ЕУ

МИА Агенција

Гир: Време е да се оди напред

Борисов: ЕУ е најдоброто место за живеење во светот

МИА Агенција

Остави Коментар