ВИДЕО| Филипче уверува: Респиратори има, пациентите по своја желба одат на приватно
Министерот за здравство уверува дека има слободни респиратори на располагање на граѓаните и не гледа потреба пациенти да се препраќаат во приватните болници на товар на Фондот за здравство.
-Во моментов има повеќе од 20 респираторни машини во болницата 8 Септември и десет на Инфективната клиника. Исто така има и голем број на респиратори кои стојат на располагање во одделите за интензивна нега на останатите клиники, и затоа не гледам причина било кој пациент да се препраќа на лекување во приватните болници, рече денеска за Слободен печат министерот за здравство Венко Филипче.
Од другат страна се поголем е бројот на граѓани кои за лекување од Ковид-19 вирусот бараат помош на социјалните мрежи.
Лекувањето во државните клиники е оневозможено поради недостатокот на респиратори, а во Систина и Жан Митрев е скапо, реагираат граѓани со кои Слободен печат стапи во контакт.
На свој грб ова лично го почувствуваа семејствата на Југослав Николиќ и Ристо Донев, за кои не се најде место на Инфективната клиника, ниту во 8 Септември, а лекувањето во приватните болници семејствата ги чинише многу скапо.
Зошто граѓаните бараат финансиски средства на социјалните мрежи, ако има услови за лекување во државните клиники?
-Секогаш има пациенти кои преферираат да се лекуваат во приватни болници, ние тоа не можеме да го спречиме, и такви појави имало и пред да се појави коронавирусот.