Фудбалската федерација на Македонија (ФФМ) предводена од претседателот Муамед Сејдини ја заокружува годината со историски успех и пласманот на сениорската репрезентација на Македонија на нејзиното прво Европско првенство.

ФФМ не ги заборава и оние луѓе со кои поголемиот дел од јавноста не е многу запознаена, кои исто така имале свој придонес во успешните резултати, не само околу националните селекции, туку и за секој проект кој се реализира, а тоа токму преку едно видео го презентира, првиот човек на македонскиот фудбал, Сејдини:

– За еден колектив да биде успешен, секој поединец мора да се почувствува вреден и ценет. Секој со своите знаења и способности допринесува за постигнување на целите.

Ова е видео за луѓето во Федерацијата и репрезентацијата А на Македонија, кои целосно се вложуваат и максимално професионално ги извршуваат нивните задачи, но кои не се експонирани во јавноста.

На сите нив сум им неизмерно благодарен, кои после нашите фудбалери и стручниот штаб се најзаслужни за Македонија да биде дел од Европското првенство во фудбал – вели Сејдини.