Натпреварот помина во цврста игра во која двете екипи одиграа одлично во одбраната, притоа промашувајжи голем број на отворени шутеви.

ЛА Клиперс во втората четвртина цели шест минути не успеаја да постигнат ниту еден поен, во третата четвртина Феникс имаше предност од дури 16 поени, но и тоа не му беше доволно за да има мирна завршница.

Клиперси благодарение на Реџи Џексон се вратија во натпреварот, за по петте поени на Пол Џорџ да намалат на само еден негатива (71:70) на стартот од последната четртина.
Во последната четвртина и двете екипи буквално се изнапромашуваа, за речиси девет минути игра беа постигнати само 10 поени (77:74). Но, Феникс благодарение на поените на Девин Букер од слободнои фрлања дојде до плус пет (79:74) и предноста ја зачува до крајот на натпреварот.
Играч на натпреварот беше Деандре Ејтон со 19 поени и 22 скокови, Девин Букер даде 25 поени за Феникс, додека кај ЛА Клиперс, Пол Џорџ уфрли 23 поени.
На наредниот петти натпревар кој ќе се игра во ноќта помеѓу вторник и среда, Феникс ќе има можност со победа за прв пат од 1993 година да обезбеди пласман во големото финале.