ВИДЕО: Фенер го освои Минхен за плеј-оф, кога е најтешко Гудуриќ, Де Коло и Весели!
Фенербахче го победи Баерн во Минхен и на тој начин обезбеди пласман во плеј-офот, односно во Топ 8 фазата во Евролигата.
Клубот од Истанбул денеска беше подобар од германската екипа со резултат 77:68 и воедно направи огромен чекор кон четвртото место кое носи предност на домашен терен.
Успехот е толку голем што Турците по 15 кола имаа слаб учинок од пет победи и 10 порази, а сега се на 20-12. И покрај поразот, Баерн е многу близу до пласман во плеј-офот, во кој заедно со Фенер веќе се пласираа Барселона, ЦСКА, Ефес и Армани.
Последните две кола, како и неколку преостанати натпревари ќе покажат кој ќе им се придружи.
Одлична партија за Фенербахче пружи репрезентативецот на Србија, Марко Гудуриќ, кој мечот го заврши со 18 поени (7/15 од игра, 3/9 за три). Де Коло постигна поен повеќе (8/14 од игра, 3/6 за три), а значаен придонес имаше и Јан Весели – 15 поени, додаде шест скока и пет асистенции. На спротивната страна Вејд Болдвин имаше 20 поени, Зипсер 12, а Лучиќ 11.
ЕВРОЛИГА – 32. коло
Вторник, резултати –
Црвена звезда – Олимпија Милано 72:93
Реал – Ефес 83:108
Жалгирис – Алба 96:86
Зенит – ЦСКА 74:86
Панатинаикос – Басконија 82:97
Макаби – Барселона 99:94 (по 1 продолжение)
Баерн – Фенербахче 68:77
Среда, двојки –
19.00 часот: Химки – Асвел
21.00 часот: Валенсија – Олимпијакос
Табела: Барселона 23-9, ЦСКА Москва 21-10, Анадолу Ефес 21-11, Олимпија Милано 20-12, Фенербахче 20-12, Баерн 19-13, Баскониа 18-14, Реал Мадрид 18-14…