ВИДЕО: Фатен еден осомничен за нападот во Лион, каде беше ранет грчки свештеник
Во францускиот град Лион, непознат напаѓач застрела 52-годишен свештеник пред грчката православна црква Свети Лазар. Според „Ле Паризиен“, напаѓачот пукал од скратена ловечка пушка и испукал најмалку два истрела.
На свештеникот му била укажана прва помош на самото место, по што бил пренесен во болница, каде лекарите се борат за неговиот живот.
Француските медиуми наведуваат дека тој бил погоден во црниот дроб.
Нападот се случил околу 16 часот кога свештеникот ја затворил црквата. Напаѓачот му пришол пред црквата и отворил оган од сачмарката.
France witnesses another church attack, priest seriously injured in Lyon shooting https://t.co/6hzLyLCMXQ
— Republic (@republic) October 31, 2020
Напаѓачот бил со часови во бегство, а го барале голем број тешко вооружени полицајци. Локален обвинител потврди дека еден осомничен е уапсен во Лион, иако сè уште нема потврда дека станува збор за напаѓачот.
Priest shot in Lyon, France amid series of recent bloody attacks https://t.co/pH7MhPsu7I pic.twitter.com/Vup5jCypnd
— New York Post (@nypost) October 31, 2020
Француските власти не рекоа ништо што сугерира дека станува збор за тероризам. Обвинителството за антитероризам не е вклучено во истрагата, како што е вообичаено кога постои сомневање за тероризам, објави француската телевизија БФМТВ.
Францускиот премиер Жан Кастекс, кој бил на пат кон Сент Етјен ду Рувр, објави дека веднаш се враќа во Париз.На местото на настанот пристигна и градоначалникот на Лион, Грегори Дашет.
Horrible news from #France: Second church attack in 72 hours, Orthodox Priest shot in Lyon.
Police on scene: pic.twitter.com/pZdzuf7SL5
— Joyce Karam (@Joyce_Karam) October 31, 2020
Извор од полицијата рекол дека тој бил свештеник од грчка националност и дека во Брзата помош рекол дека не го познава напаѓачот. Претставник на грчката влада соопшти дека името на свештеникот е Николаос Какавелакис.
Нападот се случува три дена по убиството на три лица во нападот во црквата Нотр Дам во Ница.
ВИДЕО: Грчки православен свештеник застрелан пред црква во Париз