„Нетфликс“ на 28 септември премиерно го прикажа филмот „Русокоса“ (Blonde) на Ендрју Доминик , биографски филм во кој кубанската актерка Ана де Армас (34) ја отелотвори холивудската икона Мерилин Монро.

По низата критики кои пристигнаа на сметка на новиот филм за животот на холивудската дива Мерилин Монро, и Емили Ратајковски се придружи на групата незадоволни гледачи.

„Не ме чуди што е објавен уште еден филм кој прави фетиш од болката на жените, дури и кога тие се мртви“, рече таа во видеото што го објави на ТикТок.

@emrataSo done with the fetishization of female pain and suffering. Bitch Era 2022♬ original sound – Emrata

Таа ги наведе Ејми Вајнхаус, Бритни Спирс и принцезата Дијана како примери на жени со кои општеството е „опседнато“.

„Сите ние всушност правиме фетиш од женската болка. Опседнати сме со мртви девојки и сериски убијци. Со сигурност можам да кажам дека научив да ја величам болката во мојот живот”, додаде манекенката.

Инаку, голем број гледачи го критикуваа и овој филм на Ендрју Доминик. Потсетуваме дека беа прикажани неколку одвратни сцени на силување. Филмот не се препорачува за луѓе помлади од 17 години.

Дали Мерилин Монро била убиена од ЦИА зашто „знаела премногу“?