ВИДЕО: Елмас и Наполи елиминирани од Лигата на Европа
Екипата на Наполи за која 60-тина минути одигра и македонскиот репрезентативец Елиф Елмас иако ја совлада Гранада со 2:1 ги заврши настапите во Лигата на Европа. Во првиот натпревар од 1/16-финалето славеше Гранада 2:0, а елиминацијата на Наполи, најверојатно ќе значи и отказ за тренерот Џенаро Гатузо.
Наполи одлично го отвори натпреварот, Зјелински во третата минута му донесе водство на италијанскиот тим, но 20. минути подоцна Монторо израмни на 1:1. Во второто полувреме, Наполи поведе со голот на Руиз, но немаше сили да постигне уште два гола и се прости од ЛЕ.
Навивачите на Арсенал го слават Пјер-Емерик Обамејанг кој со голот во 87. минута ги однесе „топчиите“ во осминафиналето. Арсенал со 3:2 ја совлада Бенфика во реваншот и со вкупни 4:3 оди во следната рунда. Обамејанг го отвори резултатот со голот во 21. минута, а Бенфика направи пресврт со головите на Гонкалвез и Силва. Сепак, пласманот на „топчиите“ во осминафиналето го обезбедија Киран Тирни со голот во 67. минута и Обамејанг во 87. минута.
Најголемото изненадување го направи Молде кој со 0:2 славеше на гостувањето кај Хофенхајм и со вкупен резултат 3:5 оди во следната рунда.
Резултати:
Ајакс – Лил 2:1
Арсенал – Бенфика 3:2
Хофенхајм – Молде 0:2
Наполи – Гранада 2:1
Ренџерс – Антверпен 5:2
Шахтјор – Макаби Тел Авив 1:0
Виљареал – Салцбург 2:1