ВИДЕО: Експлозија во Алжир, најмалку 10 мртви
Најмалку 10 лица загинаа во експлозија во станбена зграда во алжирската провинција Борџ Бу Арериџ, соопшти денеска алжирската служба за цивилна одбрана.
Во експлозијата се повредени уште 16 лица, а се верува дека била предизвикана од истекување гас. Од силината на експлозијата подоцна дошло до уривање на зградата, наведува локалната цивилна одбрана.
#Algeria#الجزائر#Algerie #Gas
Gas explosion in Bordj Bou Arreridj: President #Tebboune offers condolenceshttps://t.co/b5TvSbu4Jk pic.twitter.com/AFxEDaKm4d— DZ Breaking (@dzbreaking1) April 8, 2022
Сè уште не е познато колку лица имало во зградата вчера, во моментот на експлозијата.
Меѓу загинатите е и деветмесечно дете, објави алжирскиот весник „Енахаронлајн”.
Провинцијата Борџ Бу Арериџ се наоѓа на околу 250 километри источно од главниот град на Алжир.