Околу лондонскиот аеродром Хитроу се шири голем пожар во околните дворови, по „големата детонација што личеше на бомба или експлозија”, пренесува лондонскиот весник „Мирор”.

Лондонскиот весник додава дека огромен облак од чад се крева на небото и се верува дека доаѓа од авион што слетал на Хитроу, додека пожарникарите предупредија дека пожарот се проширил на  градините на домовите на луѓето од населбата Фелтам.

Coming in to land at Heathrow just before 5pm today. The scorched fields. The fire! pic.twitter.com/ndHwZrz7lF

— Robert Harris (@Robert___Harris) August 7, 2022

Во меѓувреме патници од авион успеале да го снимат пожарот и да го постават видеото на социјалните мрежи.

Пожарот зафатил дрвја, жива ограда, грмушки, трева на бројни домаќинства на патот кај Фелтам.
Многумина кои живеат во близина на инцидентот изјавија дека слушнале силна експлозија, а еден очевидец дури кажа дека слушнал удар како „бомба или некој вид експлозија”.

Fire near Heathrow 🔥 pic.twitter.com/U2K2SsiHiq

— Ajay Mistry (@ajaymistry70) August 7, 2022

Десет противпожарни возила и околу 70 пожарникари се на местото на пожарот во Херефорд Роуд, а досега се примени 44 повици за интервенција.

Градската полиција ги советува граѓаните да ја избегнуваат областа.