Албанскиот премиер Еди Рама на социјалната мрежа Фејсбук објави видео со стории на пациенти хоспитализирани во Инфективната болница, пренесува Индекс онлајн.

Премиерот Рама ги повикува граѓаните да се вакцинираат против ковид, а осврнувајќи се на изјавите на хоспитализираните Рама вели дека состојбата во која се наоѓаат е последица од одлуката да не се вакцинираат.

-Во моето семејство сите се вакцинирани, освен јас, а тоа беше мој избор и тој погрешен избор ме доведе тука каде што сум. Сите млади луѓе, без исклучок, треба да се вакцинираат, вели еден пациент примен на Инфективната болница.

-На сите ви велам да се вакцинирате оти ќе завршите вака како мене, вели пациент боленод ковид-19.

Друг пациент ги повикува граѓаните:

-Ги повикувам младите од сите возрасти, дека и јас сум помлад од 45 години, да се вакцинираат час поскоро. Да бевме вакцинирани, ќе си бевме дома, вели тој.