Руските власти започнаа евакуација на две села во регионот на Сибир каде денеска се разгореа 155 шумски пожари.

Десетина села во руската република Јакутија на североистокот од Сибир се загрозени од пожарите, соопштија регионалните власти за вонредни ситуации.

Локалните власти ги евакуираат жителите на селата Калвица и Кајалах во други населени места, додека 3.600 пожарникари гаснат околу половина од пожарите.

Three Siberian villages have been evacuated & dozens of homes lost as the region of Yakutia has already set another annual fire emissions record: 505 megatonnes of CO2 equivalent https://t.co/9pGM5uyhW5 pic.twitter.com/CdJc527i6M

— Alec Luhn (@ASLuhn) August 8, 2021

Во саботата изгореа 31 куќа и осум објекти во селото Бјас – Куел, а околу 400 жители се евакуирани, изјавија локалните власти.

Гувернерот на Јакутија Ајсен Николаев им нареди на официјалните власти да ги исчистат патиштата околу загрозените населби од изгорените и паднатите дрвја.

Во Русија во последните години се забележани рекордно високи температури за кои многу научнции сметаат дека се резултат на климатските промени.

Големите горештини и непочитувањето на правилата за заштита се причина за се поголем број пожари.

Извор: Бета