ВИДЕО: Двајца новинари правеа драма од ураганот Ида, случајни минувачи покажаа дека не е толку страшно
Ураганот Ида од вчера беснее на американското јужно крајбрежје, погодувајќи го брегот на сојузната држава Луизијана и се заканува да биде исти или за нијанса послаб од разорниот ураган Катрина кој во 2005 година го погоди Њу Орлеанс и предизвика масовни штети и евакуација на населението од популарниот град.
На местото на ударот на Ида се бројни новинарски екипи, кои известуваат за последиците од страотното невреме.
Една снимка од Њу Орлеанс стана хит на социјалните мрежа, на која се гледа како двајца репортери известуваат од улица, позирајќи облечени од глава до пети, за да ја покажат сета драматичност на природната појава.
И додека тие двајца под ударот на ветерот и дождот и објаснуваат на публиката каква е ситуацијата на теренот во Њу Орлеанс, двајца минувачки пред нивната камера поминаа слабо облечени и како ништо да не се случува околу нив.
Погледнете ја снимката која го улови интересот на социјалните мрежи.
Teamwork is how we get through each and every storm during hurricane season, and #Ida is no different. @JimCantore and @Paul_Goodloe are LIVE in New Orleans. Our field coverage teams are bringing you the latest NOW on air. pic.twitter.com/OfssDUCZH2
— The Weather Channel (@weatherchannel) August 29, 2021
Од друга страна, невремето предизвикано од ураганот Ида е сериозна закана за кревката американска држава која се соочува со нов бран на пандемија и сега мора да се бори со стихијата поради која илјадници граѓани веќе останаа без струја и мораше да се евакуираат од своите домови и да побараат безбедно прибежиште.