ВИДЕО: „Два во еден“, Валенсија со пресврт на Местаља!
Вечерва во првиот натпревар од 26 коло во најсилното шпанско првенство екипата на Валенсија со резултат 2:1 славеше над Виљареал.
После првото полувреме водеа гостите на стадионот „Местаља“ со голот на Морено кој беше прецизен од пенал.
Пресвртот се случи во вториот дел, потоно во финишот од средбата. Од белата точка во 86 минута израмни Солер, а во судиското надополнување (90+1`) триумфот го донесе Гедеш после асистенцијата на Олива.
На табелата Виљареал е на седмата позиција со 37 бодови, а на 11 место е Валенсија со 30. На 12 март во наредното коло Валенсија ќе ги одмери силите на гости против Леванте на македонскиот репрезентативец Енис Барди.
В сабота ќе се одиграат нови мечеви од рундата во „Ла Лига“: Ваљадолид-Хетафе (14.00), Елче-Севиља (16.15), Кадиз-Еибар (18.30) и Осасуна-Барселона (21.00).