ВИДЕО | Дувњак: Македонското судство не се покажа во заштитата на човековите права

Гордана Дувњак / Утрински брифинг
Гордана Дувњак / Утрински брифинг

Академијата за судии и обвинители прослави 15 години од постоењето. Тоа е академија од која излегуваат идните судии, а постојните се едуцираат. Не успеваат да се пополнат местата ни за доволен број судии, а уште помалку за обвинители – во Обвинителството недостасуваат 60 обвинители.

Еден од интересните случаи неделава е брзиот одговор на одбивањето на барањето на Орце Камчев од страна на Судот во Стразбур за укинување на притворот.

-Не ме изненади брзината ти таму работат професионалци, било утврдено дека секогаш кога господинот Камчев побарал да добие лекарска помош ја добил, само што требало да појде во државната Кардиологија, а не во неговата приватна болница Систина. Дури и на лекарски тим од Систина му било дозволено да го прегледа Камчев во притвор, вели Гордана Дувњак во рубриката „Има ли правда“ на Утрински брифинг.

Обвинителството инсистира на останување во притвор затоа што стравува оти постои можност и ризикот е голем обвинетиот Камчев да ја напушти земјата доколку биде пуштен во домашен притвор.

-Во однос на човековите права македонското судство, па ни Уставниот суд, не се покажаа. Од 350 поднесени иницијативи во само четири интервенирал за заштита на човековите права. И самата уставна поставеност има многу дефекти. Уставот не препознава правно лице, па ако поднесете пријава како правно лице тоа ќе биде одбиено. Но, реагира Судот во Стразбур. Се штитат само четири човекови права: слобода на изразување, дискриминација, политичко здружување и организирање, вели Дувњак.

Во регионот проблемот се решава со уставна тужба. Кај нас тој институт не постои иако има иницијатива да се воведе. А Судот во Стразбур инсистира да се поминат сите инстанци во земјата. Во таа смисла во Врховниот суд е воведен оддел за разумен рок на судење, оти тоа е најчестата поплака на македонските граѓани пред овој суд.

Проследете го целиот разговор во видеото

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот