ВИДЕО: Дуро „златна“ резерва, Гризман имаше мајсторија на „Местаља“
Се одиграа уште два меча од 13 коло во најсилното шпанско првенство, Атлетико Мадрид како гостин ремизираше 3:3 сп Валенсија, а Виљареал со 1:0 беше подобар од Хетафе.
„Јорганџиите“ водеа на стадионот „Местаља“ со 0:1 преку Суарез кој стрелаше во 35 минута од средбата. На стартот од вториот дел неизвесноста на овој меч се врати после автоголот на црногорскиот интернационалец Савиќ (50`).
Во 58 минута Гризман се потсети на најдобрите денови и го постигна досега можеби својот најубав гол во дресот на Атлетико.
Хрватот Врсаљко во 62 минута се погрижи за 1:3 и тука сите сметаа дека победникот е веќе познат.
Но, домаќините не се предаваа, во 85 минута во игра влезе Дуро кој во финишот постигна два гола, во 92 и 96 минута.