ВИДЕО: Драматично спасување на девојка која сакаше да скокне од зграда во Куманово
Снимка на која се гледа како неколкумина полицајци со крајни напори спасуваат девојка која сакала да скокне од покрив на зграда во Куманово, е објавена на социјалните мрежи.
На видеото снимено од минувач, кое го објави ФБ-страницата „Без цензура“, се гледа како девојката се држи за работ од покривот на зградата, која е дел од затворената фабрика „Житомел“ во градот. Напомош веднаш пристапи еден од полицајците, кој успеа да ја задржи, а потоа му помогна и неговиот колега.
Според кумановската полиција, драматичниот настан се случил пред два дена, а девојката која се обидела да се самоубие, по успешното спасување, била пренесена во Итната медицинска помош.